Filin nağılı
Bir gün bir turist Afrikaya gəlir. Görür yerli qəbilədən birisi fildən enib onun boğazındakı ipi kiçik bir dirəyə bağlayır. Turist yanındakı tərcüməçidən soruşur:
– Nəyə görə fili dirəyə bağladı ki? Fil həmin dirəkdən 10 dəfə böyükdür. Bircə dəfə dartsa, dirəyi kökündən çıxara bilər. Dirək məndən də kiçikdir ki, elə mən də onu qoparardım. Tərcüməçi özü də bunu görüb təəccüblənir və qəbilə adamından soruşur. Qəbilə adamı yaxınlaşıb fili sığallayır, sonra isə deyir:
– Bu fil balaca olanda mən onu bu dirəyə bağlayırdım. Balaca olanda o, illərlə bu dirəyi dartıb yerindən qoparmağa çalışırdı. Amma o vaxtlar çox balaca idi, dirəyi qoparmağa gücü çatmırdı. İndi güclüdür, bircə dəfə dartsa, dirəyi yerindən qopara bilər. Amma o, taleyi ilə çoxdan barışıb. Artıq inanıb ki, bu dirəyi qoparmaq olmur. Mən də onu rahatca bağlayıb gedə bilirəm.
Lüğət:
- fil – փիղ
- qəbilə – ցեղ
- ip – թել
- boğaz – պարանոց
- dirək – սյուն
- tərcüməçi – թարգմանիչ
- bağlamaq – привязать
- sığallamaq – շոյել
- dartmaq – քաշել
- qoparmaq – պոկել
- tale – ճակատագիր
- çoxdan – վաղուց
Turist fili harada görür?
Turisti nə təəccübləndirir?
Nə üçün filin illər əvvəl dirəyi qopartmağa gücü çatmırdı?
Hekayənin əsas ideyası nədir?
Hakayədə "zəif" sözünün ANTONİMİNİ tapın.
Hekayədə "qismət" sözünün SİNONİMİNİ tapın.
